Mangsan Terang Sat, Mangsan Udan Banjir

Senajan ana sing ngarani  telat, ningen Pemkab Banjarnegara rumangsa prelu gawe Peraturan Daerah (Perda) Daerah Aliran Sungai (DAS).  Alesane Banjarnegara duwe DAS Serayu sing aweh dampak gedhe maring penguripane masrakat ngkono. Banjarnegara duwe wadhuk Mrica sing sengsaya suwe banyune asat merga kebek belet.

Neng pegunungan Dieng, lemah longsor terus merga alase wis gundhul. Maning-maning Dieng sing maune tandhon banyu, siki telaga-telagane angger mangsan terang padha asat. Banyu udan mlayu maring kali Serayu campur belet merga ora nana wit-witan sing bisa nahan banyu mau.

Krisisbanyu resik neng Banyumasmangsan terang kedawan-dawan  dirasakaken warga kawit wulan Juli-Septmebre kepungkur. Seorane neng KabupatenBanyumas ana 15 kecamatanutawa 38 desasing aben taun mesthi ngalami krisis banyu resik.

Mangkane alokasianggaran nggo nyaluraken banyu resik  men desa-desa nang Banyumas mung ana Rp 400 juta sekang APBD Induk 2012. Denggo kawit wulan Januarigutul wulan Oktober siki wis meh entong. Merga senajan udane wis teka ningen esih ana bae desa sing njaluk kiriman banyu resik.

Neng APBD-Perubahan, Badan Penanggulangan Bencana Daerah (BPBD) BanyumasngusulakenanggarantambahanRp 3 miliarnggo kegiatanbencana , klebu  nggonanganganikrisisbanyu resik. Ningen kira-kira mung disetujui separone utara karo tengah milyar rupiah.

Ana kabupaten sing gawe Perda, ana maning sing nyediaaken anggaran ngasi milyaran kanggo njaga kebutuhan banyu resik bisa dirasakaken neng masrakat luas. Sewise bumi dipanggoni milayaran menungsa, banyu dadi barang sing kajen banget. Angger menungsa ora bisa nangani banyu kanthi ngati-ati, neng tembe mburi krisis banyu resik bakal tambah ngambani.

Kringet ngurusi banyu resik urung garing, siki mlebu mangsan udan akeh banyu sing merekaken bencana.Seora-orane kedaiyan lemahlongsorsejrone minggu kiye wis ana rong bencana sing gawe rong umah kurugan lemah. PemrentahdaerahBanyumas mertelakaken sekang 27 kecamatan neng Kabupaten Banyumas, sing, 26  pancenberpotensikedadeyan lemah longsor.

Maning-maning cathetan sekang BPBD Banyumaskedadeyan longsor neng mangsan udan kiye njaluk korban umahwargaDesaGununglurah, KecamatanCilongok. Kedadiyan mau uga ngrusak blumbang iwak, merg kurugan lemah dhuwure 12 meter ambane seket meter.

Sedurunge longsorugakedaeyan nengDesaBanjarpanepen, KecamatanSumpiuh. Kecamatan liya sing rawan longsor antara liya Ajibarang, Cilongok, Baturraden, Pekuncen, Gumelar, danKedungbanteng.

Mangsan udan esih dawa, bencana egin ngancanm warga. Mulane kudu ngati-ati maring banyu. Sepethil gawe  kekurangan, angger kelewihan gawe banjir apa longsor. Kabeh mau kudu olih perhatian sekang masrakat kabeh. Aja gemampang maring banyu, sing dadi kebutuhan utama masrakat. (Dr. H. Pudjo Sumedi AS, SE, M.Ed-Pimpinan Umum Majalah ANCAS)

Lewih Lengkape

Pancasila Wis Ora Sekti Maning?

SABEN  tanggal 1 Oktober neng  Indonesia  wargane padha mengeti  hari Kesaktian Pancasila. Pengetan Kesaktian Pancasila kiye oyode sekang  peristiwa tanggal 30 September 1965. Mula bukane  Gerakan 30 September (G30S/ PKI), kuwe pemberontakan nggo ngubah dasar negara  Pancasila dadi  ideologi komunis.

Dina kuwe, ana nem Jendral karo pirang perwira liyane sing dipateni minangka ngrebut kekuasaan utawa kudeta. Ningen merga anane kesadharan nggo ngugemi Pancasila, mulane upaya kuwe gagal. Mulanesewise kasil numpas Gerakan 30 September, tanggal 1 Oktober ditetepaken dadi Dina Kesaktian Pancasila. Anane pengetan  Kesaktian Pancasila merga gagale misi kaum Komunis ngganti dhasar negara Indonesia. Merga  kegagalan mau, banjutan Pancasila dianggep sakti.

Ningen barengan karo gantine pemimpin negara kiye, cut sepethil pengetan Hari Kesaktian Pancasila mulai diilangi. Jere ahli  sejarah, Dr Phil Ichwan Azhari MS,  kawit jaman  Presiden Megawati Soekarno Putri, peringatan kiye wis ora dianakaken maning. Semana uga neng jamane Presiden Susilo Bambang Yudhoyono.

Ora nanane  upacara pengetan  peristiwa monumental kuwe, wujud  sekang bengkokane sejarah sing degawe penguasa jaman sing dhisit. Bosa gole mimpin wis rampung, ora nana pengakuan sekang pemimpin sing ngganti merga maune anu depeksa.

Miturut  Erond Damanik  Peneliti nang Pussis-Unimed, pengetan Hari Kesaktian Pancasila kudune dipengeti nang bocah sekolahan minangka generasi penerus. Kiye penting ben sejarah ora luntur, semana uga sejarah peristiwa G 30 S/PKI esih diwulangaken neng sekolah-sekolah.

Tanggal 1 Oktober ngemu arti, semangat anyar kanggo sijine pondhasi. Kudune tanggal kuwe dadi pancadan semangat anyar mbangun Indonesia sing lewih demokratis, adil, tur gawe sejahterane rakyat kabeh.

Pengetan  Hari Kesaktian Pancasila perlu banget kanggo para siswa, nggo nandur jiwa-jiwa  nasionalisme karo aweh pangerten bab nilai-nilai luhur  Pancasila kuwe.  Angger bab sing kaya kiye wis ora dilakoni maning pangerten Hari Kesaktian Pancasila kuwe, bisa nglunturaken  sejarah mau.

Pancen masrakat siki wis padha pinter tur kritis. Ora cukup diomongi lamona Pancasila kuwe sekti. Ningen kudu dewi uga bukti-bukti pengalaman sejarah, lamona kabeh usaha arep ngganti Pancasila sing dadi dhasare negara kuwe mesthi ora kedaden.

Ningen penting uga, ngrembug bab Pancasila neng jaman siki sarwa terbuka, merga Pancasila dudu dogma sing ora kena dikritisi. Angger Pancasila mung disakralaken, malah kelangan kasektene utawa ora sekti maning.

Angger kedadiyane wis kaya kiye, bisa-bisa Pancasila ngalami krisis ideologi. Tandha-tandha maring kahanan kuwe wis bisa dirasakaken pirang taun kepungkur kiye. Pengetan laire Pancasila utawa Dina  Kesaktian Pancasila wis ora krasa greng maning.

Mulane mayuh sedulur, aja padha ninggalaken sejarah. Arus globalisasi aja ngasi ngilangaken sejarah utawa identitas bangsa. Wong Indonesia tekan kapan bae ya kudu nggodogi Pancasila sing esih dadi dasar negara, utawa sumber utama hukum neng Indonesia.(Dening Pudjo Sumedi-Pimpinan Umum ANCAS)

Lewih Lengkape

Wis Ora Mangsane Manggul Bedhil

NALIKA Perang Kemerdekaan (1945-1950) para pemuda nang Banyumas padha melu berjuang. Sing esih pada sekolah nggabung karo Pasukan Pelajar IMAM utawa Tentara Pelajar Brigade XVII. Jeneng Soeparto karo EntjoengAbdoelah Sadjadi dadi kembang lambene wong Banyumas.

Perjuangane para pelajar ora mung neng mburi thok, ningen melu mudhun neng kancah pertempuran. Pertempuran Prompong, Pamijen, Glempang mbuktekaken semangate para peuda p[elajar wektu kuwe. Jaman semana, padha ninggalaken sekolah, melu manggul bedhil mbantu Barisan Keamanan Rakyat, sing dadi cikal bakale Tentara Keamanan Rakyat/ Tentara Nasional Indonesia.

Siki neng zaman global para pemuda wis ora mangsane manggul bedhil maning. Kemardikan bangsa kudu diisi karo kedaulatan ekonomi, demokratisasi karo mbebasaken bangsa sekang blenggu kemlaratan, kebodhonan karo ketinggalan. Tengere, bab ekonomi karo sosial kiye sing nemtokaken makna karo tingkatan kamardikan sing direngkuh. Sisan gawe uga nggo nandhanianane bangsa sedawane laku sejarah nggone nggula wentah negara

Neng jaman globalisasi siki, makna kamardikan dadi wujudlamona bangsa, kelompok, masrakat jan-jane padha saling ngisi kebutuhane dhewek-dhewek. Kabeh mau minangka nggo bareng-bareng majokaken peradaban karo pengembangan kemanusiaan.Ora arang sejrone proses saling butuh kuwe, mencungul pirang-pirang jedhodan kepentingan utawa konplik peradaban sing bisa nggiring masrakat keblosok neng pasangan politik.

Globalisasi karo liberalisasi angger ora diadhepi kanthi arif, khususe neng para elite politik, bisa ngancam maknane kamardikan neng masrakat. Mulane, pengukuhan maring nilai-nilai dhasar sekang nasionalisme sing wis debentuk kawit kamardikan yakuwe kecintaan maring pluralisme bangsa, solidaritas karo persatuan, wujudihwal sing penting nggo dikembangaken, kanggo ngisi maknane kamardikan.

Pluralisme mau dadi bab sing nemtokaken nang laku dawane sejarah bangsa Indonesia, mangsa sing wis keliwat, sing lagi delakoni karo sing arep delakoni. Mulane kudu ana kesadaran karo janji sekabehe bangsa kiye nggo ngurmati majemuke bangsa Indonesia, kanggo gawe persatuan urip neng masrakat, bangsa karo negara sing ndadekaken In donesia lewih apik.

Siki alangan karo kebutuhane bangsa wis rubah. Manggul bedhil karo perang wis ora perlu maning merga sing diadhepi siki dudu mungsuh sing nyekel bedhil. Kahanan sing ana neng ngarepe dhewek siki wis brubah adoh. Secara umum kahanan siki wis akeh ngalami perubahan dibbandhingaken karo kahanan nalika Perang Kamardikan.

Ningen mungsuh ya esih akeh kaya jaman kuna mekuna, Siki esih pirang-pirang kahanan sing ala neng negri kiye. Kayata korupsi egin marak, semana uga kolusi karo nepotisme. Gole perang wis ora karo penjajah ningen karo bangsane dhewek. Seliyane kuwe ana ancaman liyae kayata agama sengsaya didohi, akeh generasi mudha sing belan narkobarkembang.

Mengingat besarnyNgemuti gedhene persoalan sing diadhepi bangsa kuwe, perlu kekuatan sing gedhe tur hebat nggo ngatasi alangan-alangan mau. Kekuatan mau bakal wujud angger kabeh warga negara dcuwe komitmen maring cita-cita nasional bangsane dhewek.

Gandheng karo bab kiye, kudune kabeh padha pahamikatan batin karo pembaruan tekad bareng-bareng sekang kabeh komponen bangsa. Kesempatan sejarah kiye ora kalah heroike dibanding kesempatan sejarah jaman Pereang kemerdekaan tahun patang puluhan.(02)

Lewih Lengkape

"Mayuh Padha Guyub Maning"

Dr.H Pudjo Sumedi AS, SE, M.Ed
Pemimpin Umum Majalah Ancas

Wis lumrah angger sedawane Pilkada Banjarnegara degelar klompok masrakat padha duwe fanatisme dukungan maring calon bupatine dhewek-dhewek. Alesane pemilih werna-werna, ningen sing menang neng Pilkada ya mung siji. Mulane para pemimpin neng Banjarnegara awit gasik wis ngelingna kabeh calon bupati sing ana kudu siap menang uga siap kalah.Sing menang ora kena petenthengan,sing kalah ora kena ngamuk.

Ewandene, senajan Pilkada Banjarnegara wis rampungan, esih ana dinamika masrakat. Kaya sing uwis padha dengerteni, pasangan Tedjo-Peno sing wis detetepna dadi pemenang neng KPU degugat neng pasangan independen Budhi Sarwono-Kusuma Winahyu Diah AT (Buwin) kiwat Mahkamah Konstitusi (MK). Pasangan no urut 2 mau njaluk MK konsupayane netepna pasangan mau sing dadi pemenang. Buwin nganggo alesan lamona dewekeolih suara 310.791 padha karo dukungan warga sing dekumpulna wektu dheweke ndaftar calon bupati. Ningen MK ora nampa penjalukane.

Bali maring makna demokrasi sing bener, mestine seuwise Pilkada rampung masrakat Banjarnegara dejaki bali maning mikirna arah karo strategi nggo mbangun daerahe. Calon sing kalah legawa kanthi kesadaran penuh mbantu calon sing wis kepilih konsupayane Labupaten Banjarnegara sing arep teka dadi lewih temata.Wibawane calon sing kalah kena nggo pawitan mbangun kahanan sing guyub rukun serampunge Pilkada. Aja kelalen, sing kalah uga duwe janji maring masrakat Banjarnegara.

Gegoh nganti kedawan gagang merga Pilkada pogpogane masrakat sing kapitunan. Seliane arah pembangunan dadi ora genah, kebijakan politike sing sing menang bakalan lewih akeh nguntungna basis pemilihe. Angger kayakiye kedadeyane, demokrasi lokal sing (boros?) anggarane bakale ora mamfangati maring masrakat Banjarnegara. Sing kaya kuwe malah bisa dadi jalaran ruwage kekuatan masrakat sing agi molahi menyat mbangun Banjarnegara. Prekara kayakiye sing kudune deilari neng masrakat lan uga elit pulitik utawa sing arep ngayahi dadi bupati karo wakile.

Calon sing kepilih sing sedela maning delantik neng Gubernur kudu bisa mamfangati lan bisa mbangun Kabupaten Banjarnegara limang taun mengarep. Bupati sing kepilih uga kudu bisa ngayomi, aja nganti mabuk kemenangan karo pendhukunge. Sing menang kudu bisa ngrangkul guyub karo sing kalah.

Rekonsiliasi utawa nata maning Banjarnegara serampunge Pilkada dadi siji-sijine cara sing maen tenimbang padha gegoh sedawane taun. Dendam pulitik mung arep dadi sangkrah sing ngalang-alangi mlakune pembangunan neng Banjarnegara. Rekonsiliasi masrakat Banjarnegara kudu terus debangun neng sepaha bae, lintas komponen lan lintas kultural. Bupati kepilih uga kudu gelem nglantari tukule rekonsiliasi Banjarnegara kabeh.

Aja nganti kelalen, Bupati kepilih uga kudu bener-bener bisa mujudna lan nglakoni janji pulitike lagi mangsan kampanye. Anggaran sing cekak lan semending aja nganti dadi alesan nggo nglunturna pengarep-arepe masrakat. Bupati kepilih malah kudu pinter goli ngligar-liger anggaran sing cekak kanthi kebek tanggungjawab.[02].

Lewih Lengkape

Mesjid Ganu

Daning Pudjo Sumedi AS*
Jaman ganu seliyane nggo sembayang, mesjid uga ana fungsi liyane. Inyong melu ngrasakna. Dadi nggon turu. Deneng turu neng mesjid? Ya, pancen turu neng umah rasane ora nyaman. Ambene mung nganggo plupuh sing akeh ketinggine. Urung mangsan kasur utawa bantal. Turu neng mesjid rasane nyenengna pisan. Akeh batire tur sembayang subuhe dadi bisa jamangah, tangine ora krahinan.
Angger wektu subuh mesti degugah. Tukang adan goli nggugah pinter pisan. Ora mawi deoreg-oreg. Cukup deusap-usap karo sarunge dheweke maring raine bocah-bocah sing lagi padha turu, ora kejaba inyong dhewek. Sing inyong seprene kelingan terus kuwe ambune sarung utawa andhuk sing cokan nggo nggugah. Jan…. temenan, ora kelalen.
Si tukang adan ngemong pisan maring bocah-bocah mesjid. Sedawane nggugah dheweke karo puji-pujian; ‘Subhaanallaah walhamdu lillaah, walaa ilaaha illallaah, wallahu akbar’. Sanajan swarane blero ning nggrentes tekan ati.
Biyung-bapane inyong ora menggak angger inyong cokan turu neng mesjid. Emperen genah akeh positipe ikih, dadi dejorna bae.
Angger wulan puasa uga nyenengna pisan. Meh kempleng sedina-dinane inyong ngentongna wektu neng mesjid. Esuk, sore nganti wengi. Bali umah angger mangsan buka. Sewise rambung buka njuran sembayang magrib neng umah. Bar kuwe gageyan mangkat mesjid maning sisan sangu takir nggo agan saur.
Bar traweh biasane padha nderes Qur’an, gentenan. Angger lagi begya cokan ana sing njujugi jaburan nggo medangan sing agi darusan. Nglakon sawijine wengi bar nderes ora nana sing njujugi jaburan. Wetenge inyong krasa kemruwuk, akhire takir agan saur tek pangan. Lah akhire goli saur mung ngukup banyu pedasan thok.
Seliyane bar traweh goli padha nderes kaya wong lagi balapan. Saben-saben bocah nyekel Qur’an siji-siji. Sadawane wulan puasa padha akeh-akehan ngatamna Qur’an. Inyong paling mempeng mung bisa katam ping telu thok. Kanca batir liya cokan ana sing sanggup katam nganti ping lima.
Lah kiye wis meh wulan puasa. Kira-kira esih ana mesjid sing anget kaya critane inyong ora ya? Jan, temenan inyong cokan kemutan bae sweet memory dadi bocah mesjid. (03)

Dr. H. Pudjo Sumedi AS, SE, M.Ed*
Pemimpin Umum Majalah ANCAS, Wakil Rektor II UHAMKA Jakarta

Lewih Lengkape