 |
| Bambang S. Purwoko |
Dina Ahad esih esuk uput-uput inyong ketekan dhayoh pensiunan saradadu pangkate Kapten. Umure wis lewih 85 taun ketelah deceluk Kaki Midan. Senajan wis tuwa ningen angger crita bab perjuangan neng perang kemerdekaan esih cetha wela-wela. Kaki Midan berjuang neng tlatah Banyumas Raya bola-bali melu ngadhang lan nggempur tentara Landa sing arep njajah maning neng Indonesia.
Nembe grok njagong, Kaki Midan wis ndrememel kayong mandan kesuh. Mergane masrakat siki padha ora patiya ngormati jasa-jasane pahlawan bangsa.
“Lho… Ki, deneng rika kayong dina kiye ora bombing? Mbokan sedhela maning tanggal 10 Nopember arep ana pengetan Hari Pahlawan? Biasane rika gagah pisan melu upacara neng alun-alun Puraketa.” Inyong nyobati kambi ulung tangan karo manggakaken njagong neng jogan umah.
“Lah… sing jenenge upacara pengetan inyong wis mlbenger. Jane sing lewih penting ana kawigaten karo para pejuang, bekas saradadu, janda pahlawan, janda perintis kemerdekaan lan veteran sing esih urip. Kuwe tunjangan hari tuwa lan jaminan sosial mestine prelu deundhakna,” ujare Kaki Midan semangat banget. Dheweke mbandingna karo pejabat siki sing jor-joran, uripe mewah, kayong kelalen maring sing gemiyen berjuang.
“Oh… angger tekan maring jaminan sosial inyong ora kawogan ngomong. Muga-muga ana kawigaten gedhe sekang pemrentah siki,” inyong mbombongi kambi nawakna wedang kopi sing esih panas kemebul nggo anget-anget awak sing mulai ringkih gemeter.
“Kiye… ana maning sing marakna atine inyong gela,” Kaki Midan nambahi, titeni mengko angger pas pengetan dina pahlawan 10 Nopember apa kabeh umah padha masang gendera? Taun ganu sing masang gendera kena deetung. Lha… wong kadaran setaun sepisan kon masang gendera bae koh abot alot,” Kaki Midan kesuh maning. Praupane mrekabak abang mertandakna goli jengkel temenanan.
“Wah… iya ya. Ningen inyong masang gendera lo Ki. Muga-muga masrakat ora abot alot maning. Malah gemiyen ana acara hening cipta semenit nggo aweh pakurmatan maring para pahlawan,” inyong ngadhem-adhemi Kaki Midan sing ora mari-mari kesuhe.
“Ya sukur. Ko bisaha dadi tuladha nggo tangga teparo, gelem pasang gendera.”
Pancen angger depikir, aweh pakurmatan maring para pahlawan jane dadi kwajiban gedhe tumrape bangsa Indonesia. Kayane para pahlawan neng alam kubur padha ngangluh, “Hai bangsa Indonesia, siki wis merdika 66 taun, apa buktine? Deneng esih akeh masrakat sing mlarat, esih bodho, akeh wong nganggur, akeh wong korupsi, lan masrakat adil makmur urung bisa dewujudna. Debandhing negara tangga bae Indonesia kalah adoh.”
Miturut Kamus Lengkap Bahasa Indonesia karangane William H. Isman MB. Ali sing dearani pahlawan kuwe, pejuang yang gagah berani, orang yang mengorbankan dirinya demi kepentingan orang lain. Angger detlisik sing lewih jero, pahlawan wong sing temen-temen duwe karep mulya, ora mentingna awake dhewek lan bisa nggo tuladha.
Mulane bener omonge Kaki Midan, ngormati pahlawan intine padha ngupaya njujug maring tujuan kemerdekaan. Yakuwe ngadege masrakat sejahtera, adil, lan makmur. Ning saiki akeh wong sing padha nggayuh makmure dhewek, kepincut maring dunya, pangkat, lan wadon, mongkar lan ngrusak tujuan kemerdekaan. Dadi upamane wong kuwe melu upacara mengeti Hari pahlawan, sejatine dheweke ambeg-sia maring para pahlawan. Klilan. [BP]
2 komentar:
mas bambang...bagus tulisannya...gak ngira bahasa banyumasannya begitu medok ya. yach itulah realita yg ada..nasih sang pahklawan kita....memprihatinkan....muda berjuang.....tua....? gak tentu jaminannya dari negara. namun kita tetap HORMAT KEPADA BELIAU-2 INI.
Sebagai orang yang pernah ikut mendirikan mejalah tempo dulu mingguan RAHAYU LAHIR 17-AGUSTUS 1971, BERSAMA BUPATI pujadi jaring Bandayuda..dan RG Roedjito dandim waktu itu)..saya ikut bangga dengan kelahiran ANCAS INI APA LAGI SAHABAT/REKAN SAYA MAS BAMBANG YG ALUMNUS APPD Semarang aktif disini.Hebat mas bambang....masiH ingat dulu kita ujian APPD DI sEMARANG....?
Mas bAMBANG..KELAHIRAN MINGGUAN rHAYU bANYUMAS L9O71..MENGGINSPIRASI KEBANGKITA REMAJA BANYUMAS....PENULIS-2 MUDA BANYUMAS YG SAMPAI SEKARANG MASIH EKSIS SEPERTI BANMBANG SET....JURNALIS DIDI WAHYU SUARA MERDEKA..DAN MASIH BANYAK LAGI.
oOK Mas bambang sekali lagi SUKSES UNTUK ANCAS....WAHANA COMUN ITAS BANYUMAS. ( HARYONO alumnus appd semarang PIN bb:27FCEF73)
Balesane Pak Bambang Kanggo Pak Haryono: Terima kasih, esih kemutan karo kanca lawas. inyong njaluk pangestu sekang rika, muga-muga awet olahe makarya lewat ANCAS lan Yayasan Carablaka. Angger maring Purwokerto mampir, tek suguh mendoan..suwun
Posting Komentar